Osmani njofton policinë për keqpërdorim të identitetit të saj
Osmani njoftoi edhe KQZ-në për këtë çështje
Kandidatja e LDK-së për deputete të Kuvendit të Kosovës, Vjosa Osmani ka bërë një sqarim për qytetarët dhe organet që po merren me organizimin e zgjedhjeve.
Osmani përmes një postimi ka deklaruar se ajo nuk ka shpërndarë asnjë poster për zgjedhje dhe se do ta informojë policinë dhe KQZ-në për shkelje dhe keqpërdorim të emrit të saj.
”Vjosa Osmani nuk ka shperndare neper Kosove ASNJE poster te vetem as ne keto zgjedhje dhe as ne zgjedhjet e kaluara. Kushdo qe mund te kete bere nje gje te tille pa u autorizuar nga une e pa lejen time, eshte duke shkelur ligjin, dhe per kete shkelje do te pergjigjet. Tani do te informoje policine dhe KQZ-ne per kete shkelje dhe keqperdorim te identitetit dhe emrit tim per interesa te uleta qe bien ndesh me rregullat e fushates zgjedhore”, ka shkruar Osmani në facebook./21Media