Papa Françesku i shqetësuar për zjarret në Amazonë

Papa Françesku i shqetësuar për zjarret në Amazonë

Pas lutjes tradicionale “Angelus”, Papa Françesku u shpreh i shqetësuar për zjarret që po shkatërrojnë pyjet e Amazonës.

Ne jemi të shqetësuar për zjarret e vazhdueshme që janë shtrirë në pyjet e Amazonës. Kjo mushkëri pyjore është jetike për planetin tonë”, thaPapa Françesku, para besimtarëve të mbledhur në sheshin Shën Pjetër.

Papa amerikano-jugor, i cili do të organizojë në vjeshtë një konferencë botërore për Amazonën, u bëri thirrje rreth 1,3 miliardë katolikëve të planetit, të luten që këto zjarre të shuhen sa më shpejt.

Imazhet tronditëse të zjarreve në pyjet e Amazonës kanë shkaktuar një emocion në mbarë botën. Pylli kryesor tropikal në botë është një pjesë thelbësore në luftën kundër ngrohjes klimatike dhe ekuilibrit natyror, por ai është më e i kërcënuar se kurrë nga një shpyllëzim intensiv.