Pas një viti pauzë, caktohet data e gjykimit të Ukë Rugovës
Gjykimi i Rugovës në fund të janarit
Kur kanë kaluar më shumë se një vit qëkur është mbajtur seanca e fundit ndaj Ukë Rugovës, Gjykata Themelore e Prishtinës më në fund ka caktuar seancën e këtij gjykimi.
Lajmin e konfirmoi zëdhënësja Mirlinda Gashi.
“Seanca është caktuar të mbahet më datë 29 janar nga ora 13:15”, tha Gashi për kallxo.com
Seanca e fundit për këtë rast ishte mbajtur në muajin nëntor të vitit 2017 nën udhëheqjen e gjyqtarëve të EULEX-it.
Që nga ajo kohë, EULEX ka përfunduar mandatin në Kosovë, lënda është transferuar te gjyqtarët vendorë ndërsa nuk është caktuar të mbahet ende ndonjë seancë./kallxo