Policia: Në konkurs do të ketë qasje të barabartë të të gjitha komuniteteve

Policia: Në konkurs do të ketë qasje të barabartë të të gjitha komuniteteve

Policia e Kosovës është deklaruar pas reagimit të deputetëve, Veton Berisha dhe Hetem Arifi lidhur me konkursin e shpallur nga policia e Kosovës për pranimin e pjesëtarëve të rinj.

Berisha kishte reaguar duke thënë se Policia e Kosovës dhe ministria e Punëve të Brendshme, në konkursin e shpallur sot për pranimin e pjesëtarëve të rinj, ka diskriminuar komunitetin Egjiptian/Ashkali.

Pas reagimit të deputetit menjëherë është deklaruar policia e Kosovës, ku në kumtesën e tyre thuhet se në këtë proces sikurse edhe në të kaluaren do të ketë qasje të barabartë të të gjitha komuniteteve bazuar në parimet e patjetërsueshme të mosdiskriminimit të asnjë forme.

“Policia e Kosovës duke respektuar të drejtën e secilit, për t’u shprehur lirshëm, me qëllim të informimit të drejtë të opinionit dhe mediave publikon këtë sqarim pas postimeve në rrjetet sociale të deputetit Veton Berisha lidhur me reagimin e tij publik për siq thot ai: “përjashtimin e komunitetit Egjiptian/Ashkali nga konkursi për Policinë e Kosovës. Policia e Kosovës si çdo herë tjetër bazuar në ligjet e aplikueshme në vend, procedurat standarde, si dhe me vendosmeri duke zbatuar parimet e mosdiskriminimit për të gjitha komunitetet në RKS, sot me datë 16.04.2018 ka shpall konkursin për zyrtarë policor ku janë specifikuar kriteret për aplikim dhe udhëzimet e nevojshme”, thuhet në kumtesën e policisë.

Më tej në kumtesë, thuhet se në konkursin e shpallur ka ndodhur një gabim teknik sa i përket aspektit të përpilimit dhe printimit të formularit për aplikim dhe ju sigurojmë që do të ndërmeren masa të menjëhershme në funksion të përmirsimit të gabimeve teknike.

“Policia e Kosovës në kuadër të saj ka një numër të konsiderueshëm të pjestarëve të komunitetit Egjiptian dhe Ashkali të cilët në vazhdimësi kanë kryer dhe po kryejn me devotshmëri detyrat dhe autorizimet në funksin të zbatimit të ligjit. Prandaj ju garantojmë që edhe në këtë proces sikurse edhe në të kaluaren do të ketë qasje të barabartë të të gjitha komuniteteve bazuar në parimet e patjetërsueshme të mosdiskriminimit të asnjë forme. Policia e Kosovës kërkon falje dhe mirëkuptim për gabimin teknik sa i përket aspektit të përpilimit dhe printimit të formularit për aplikim, dhe ju sigurojmë që do të ndërmeren masa të menjëhershme në funksion të përmirsimit të gabimeve teknike, dhe formulari i korigjuar do të jet në dispozicion që nga dita e nesërme me përfshirjen edhe të komuniteteve Egjiptian dhe Ashkali”, thuhet në njoftimin e policisë.

Gjithashtu për të qenë sa më objektive dhe transparente Policia e Kosovës dëshiron poashtu të ju njoftoj se qysh para shpalljes së këtij konkursi për zyrtarë policor ka zhvilluar fushata në funksion të inkurajimit të femrave dhe komuniteteve për të ju bashkangjitur Policisë duke përfshirë edhe fushatat për inkurajimin e komunitetit Egjiptian dhe Ashkali për të qenë pjesë e jona, thuhet në njoftim./21Media

Konkursi për polic- Dy deputetë kërcënojnë se do të dalin nga koalicioni?