FSK gati për ta ndihmuar Shqipërinë në rast nevoje

FSK gati për ta ndihmuar Shqipërinë në rast nevoje

Presidenti i Kosovës, Hashim Thaçi pas tërmetit që ka ndodhur në Shqipëri, ka zhvilluar bisede telefonike me Presidentin Ilir Meta dhe kryeministrin Edi Ramën të cilëve u ka ofruar ndihmën e Kosovës.

Thaçi i ka kërkuar Komandantit të FSK-së, Rrhaman Ramës që të jenë gati për ndihmë në rast nevoje.

“Me shqetësim mora lajmin për pasojat e tërmetit që ndodhi sot në Shqipëri. Në biseda telefonike me presidentin Ilir Meta dhe kryeministrin Edi Rama ju shpreha solidaritetin e shtetit dhe popullit të Kosovës, si dhe ua ofrova ndihmën tonë të pakursyer për tejkalimin e situatës. Kam kërkuar po ashtu nga Komandanti i FSK-së, Rrahman Rama, që FSK të jetë në gjendje gatishmërie. Të lënduarve nga shembjet e shkaktuara prej tërmetit iu uroj shërim sa më të shpejtë.”, ka shkruar Thaçi në Facebook

Tërmeti ka shkaktuar dëme të shumta në banesa. Burime nga spitali i Traumës për Ora Neës bëjnë me dije se 37 persona janë paraqitur me lëndime nga tërmeti./21Media