Policia ka zbuluar identitetin e personit të dyshuar

Policia ka zbuluar identitetin e personit të dyshuar

Mbrëmë rreth orës 22:40, në rrugën “Eliot Engel” në Pejë një person ka shtënë me armë zjarri në drejtim të disa personave të tjerë.

Sipas njoftimit të Policisë, vetura e njërit nga viktimat është goditur nga predhat në dy dyert e saj, por fatmirësisht kanë shpëtuar viktimat.

Menjëherë njësitet relevante të policisë kanë shkuar në vendngjarje për të mësuar të gjitha rrethanat lidhur me rast. Sipas të dhënave preliminare dyshohet se personi i dyshuar ka shtënë 3 herë në drejtim të viktimave, ku fatmirësisht kanë shpëtuar, ndërsa vetura e viktimës është goditur nga predhat në dy dyert e veturës. Pas kësaj gjuajtje me armë i dyshuari ka ikur me veturën e tij në drejtim të Deçanit, me pas në fshatin Carrabreg-Deçan ka braktis veturën dhe ka ikur në drejtim të panjohur”, njofton Policia.

Në vendin e ngjarjes janë konfiskuar 3 gëzhoja të kalibrim 9mm, po ashtu është konfiskuar edhe vetura e të dyshuarit, ndërsa vetura e viktimës është duke u ekzaminuar nga Hetuesit Rajonal të Drejtorisë Rajonale Pejë.

Policia ka zbuluar identitetin e personit të dyshuar dhe është duke ndërmarrë të gjitha masat për arrestimin e tij. Të gjitha veprimet policore janë ndërmarrë në koordinim të plotë me prokurorin e shtetit”, përfundon njoftimi i Policisë./21Media