Përkujtohet beteja së fundit e Gjergj Kastriotit

550-vjetori i betejës së fundit të Skënderbeut

Besëlidhja e Lezhës mirëpriti të dielën një grup vizitorësh nga Italia i përbërë nga 60 arbëreshë të komunave Frashineto, Ejanina, Civita dhe Sportello Linguistico San Marzano.

Kjo vizitë realizohet në përkujtim të 550-vjetorit të betejës së fundit të Gjergj Kastriotit, e cila me 24 prill 1467, në Krujën legjendare, u kurorëzua me fitore.

Bashkia e Lezhës e përkrahu dhe mbështeti financiarisht këtë veprimtari mbarëkombëtare të inkuadruar në nismën: “Foleja Kombëtare Shqiptare”. Arbëreshë u pritën nga kreu i Bashkisë së Lezhës Fran Frrokaj, i cili duke ju uruar mirseardhjen i ftoi në mjediset i institucionit që drejton.

Frrokaj e vlerësoi këtë veprimtari si mjaft të rëndësishme, pasi ajo nderon dhe përkujton betejat dhe heroizmin e pashoq të Gjergj Kastriotit Skënderbeut. Frrokaj theksoi se, me krenarinë që i përkasim këtij qyteti, i cili 573 vjet më parë, pati nderin të krijoi Besëlidhjen e parë të shqiptarëve në histori, duhet të punojmë për ta ruajtur këtë qytet si simbol të bashkimit, unitetit, harmonisë dhe mirkuptimit njerëzor kudo ku ka shqiptarë.

Back to top button