Polici i plagosur qëlloi për vdekje shtetasin me inicialet D.H

Polici i plagosur qëlloi për vdekje shtetasin me inicialet D.H

Një i vdekur dhe një i plagosur është bilanci i një konflikti me armë në qytetin e Kavajës në Shqipëri. Ngjarja ka ndodhur rreth orës 00:40 në banesën e një gruaje, ku efektivi i policisë së burgjeve B.T është përplasur me armë me shtetasin D.H.

Për pasojë ka mbetur i plagosur efektivi 36 vjeç dhe ka humbur jetën personi tjetër.

“Rreth orës 00.40, në lagjen nr. 2 Kavajë, shtetasi D. H., banues në Kavajë, ka hyrë në banesën e shtetases M. Q. Në banesë ndodhej dhe shtetasi B. T, banues në Kavajë, punonjës i Policisë së Burgjeve. Shtetasi D.H. është konfliktuar me shtetasin B. T. dhe si pasojë shtetasi D.H ka qëlluar me armë në drejtim të shtetasit B.T duke e plagosur atë. Shtetasi B.T me armën e shërbimit ka qëlluar në drejtim të shtetasit D.H i cili ka ndërruar jetë në vendngjarje”, ka njoftuar policia.

B.T ka marrë ndihmën e parë në spitalin e Durrësit dhe më pas është transportuar në spitalin e Traumës në Tiranë ku mëosohet se ndodhet jashtë rrezikut për jetën.

Grupi hetimor po vijon punën për sqarimin e mëtejshëm të rrethanave të ngjarjes./oranews