“Përmbushni reformat para qershorit”, Hahn: 2019, vendimtar për Shqipërinë
Hahn flet pas takimit me Ramën
2019 është një vit vendimtar për Shqipërinë. Kështu është shprehur komisioneri për Zgjerimin e Bashkimit Europian Johannes Hahn në një postim në twitter pas takimit me kryeministrin e Shqipërisë Edi Rama.
“Jam shumë i lumtur që jam në Tiranë me kryeministrin Rama. 2019 është një vit vendimtar për Shqipërinë. Kam besim se qeveria, institucionet dhe të gjitha forcat politike do të vazhdojnë me ritme të rëndësishme në reformat kyçe, përpara vendimit të Këshillit të Europës në qershor, duke realizuar perspektivën e saj evropiane”.
Rama dhe Hahn patën një darkë pune mbrëmjen e sotme. Në fokus të bisedës së tyre mendohet të ketë qenë reforma zgjedhore, reforma në drejtësi, por edhe kushtet e tjera të vendosura nga BE për integrimin.
Takimi u mbajt pa praninë e mediave. Vizita e komisionerit europian vjen në një moment të rëndësishëm për Shqipërinë pasi në qershor pritet vendimi për çeljen e negociatave.
Por gjithashtu edhe në një moment protestash si ajo e studentëve, banorët e Astirit, por edhe artistët./Oranews