Thaçi takoi kryeministrin e Kongos, bisedojnë për bashkëpunimin ekonomik

Thaçi u shpreh se Kosova është e gatshme për bashkëpunim

Presidenti i  Kosovës, Hashim Thaçi, ka takuar Kryeministrin e Republikës Demokratike të Kongos, Bruno Tshibala Nzenze, me të cilin bisedoi për vendosjen e bashkëpunimit në mes dy vendeve.

“Kosova sot është shtet i konsoliduar, e njohur nga 116 shtete dhe anëtare e shumë organizatave të ndryshme ndërkombëtare”, u shpreh presidenti Thaçi.

“Ju falënderojmë për përkrahjen tuaj në Organizatën e Frakofonisë”, shtoi Thaçi dhe shprehu dëshirën që dy shtetet të fillojnë të bashkëpunojnë në sektorë të ndryshëm të jetës, thuhet në njoftimin e dërguar nga presidenca.

Kryeministri Tshibala u shpreh i kënaqur me mundësinë për t’u takuar. “Të vejmë marrëdhënie ekonomike dhe të mësojmë nga përvojat e njëri-tjetrit”, ka thënë presidenti Tshibala.

Thaçi ka takuar kryeministrin Tshibala në margjina të Forumit Ekonomik Ndërkombëtar të Kontinentit të Amerikës (IEFA), që po mbahet në Montreal të Kanadasë. Ai do të jetë folës në panelin “Evropa në udhëkryq” në ditën e parë të konferencës./21Media

Back to top button