Pritje deri në 1 orë e gjysmë në Merdare
Rikthehen kolonat në kufi
Në këto momente Qendra Kombëtare për Menaxhim Kufitar ka njoftuar se në pikëkalimet kufitare mes Kosovës dhe shteteve fqinje kryesisht nuk ka pritje, përpos në Merdare, ku për të dalë nga Kosova udhëtarët duhet të presin deri në 1 orë e gjysmë. Në këtë pikë kolona e automjeteve është e gjatë deri në 300 metra, shkruan rtv21.tv.
Ndërsa në pikën tjetër Mutivodë ka pritje deri në rreth 50 minuta për të dalë nga Kosova.
Në pikat tjera kufitare pritjet janë maksimumi 5 minuta për hyrje-dalje nga Kosova.
Qendra Kombëtare për Menaxhim Kufitar në statistikat e përditësuar bën të ditur se në disa rrugë ka dëborë e akull, megjithatë të gjitha janë të kalueshme.
