Promovohet kultivimi i shpargut
Në Kosovë sot do të bëhet promovimi i kultivimit të shpargut
Sot promovohet njëra nga kulturat më të reja në Kosovë, që po kultivohen lokalisht dhe u jep fermerëve vendor mundësinë për të ekspozuar dhe shitur shpargun që kanë prodhuar.
Në aktivitet do të marrin pjesë ambasadori SHBA-ve në Prishtinë, George Delawie dhe ministri i Bujqësisë, Pylltarisë dhe Zhvillimit Rural, Memli Krasniqi.
Në vitin 2011, USAID-i filloi të mbështesë kultivimin e shpargut në Kosovë me vetëm 10.6 hektarë të mbjellur me këtë kulturë. USAID-i ka punuar me kultivuesit për të zgjeruar prodhimin dhe rritur rendimentet, ka mbështetur pikat grumbulluese, ka sponzoruar evenimentet promovuese dhe ka punuar në krijimin e lidhjeve tregtare lokale dhe ndërkombëtare për shpargun e Kosovës.