Dokumente dhe raportime nga lufta

Dokumente dhe raportime nga lufta

Sot në Deçan do të promovohet libri i autores së ndjerë, Fetnete Ramosaj i titulluar “Ushtria Çlirimtare e Kosovës në zonën operative të Dukagjinit”.

Libri përmban dokumente dhe raportime nga lufta e zhvilluar gjatë viteve 1998-1999.

Në këtë promovim do të marrë pjesë edhe kryeministri i Kosovës në dorëheqje, Ramush Haradinaj, ndërsa mbahet në sallë e Asamblesë komunale të Deçanit me fillim prej orës 11:00.

Ndryshe, Fetnete Ramosaj ka vdekur më 5 prill të këtij viti. Që nga viti 1989 ishte pjesëtare aktive e lëvizjes ilegale dhe asaj gjithëpopullore në Kosovë.

Ka qenë pjesëmarrëse aktive në luftën çlirimtare, si pjesëtare e Ushtrisë Çlirimtare të Kosovës.

Gjatë luftës në Kosovë, veç tjerash, ka kryer detyrën e zëdhënëses së UÇK-së për Zonën Operative të Dukagjinit. Njëkohësisht ka raportuar edhe për Agjencinë e Lajmeve të Kosovës kp.