Punëtorët e këtyre dy ministrive kanë nënshkruar edhe peticion

Punëtorët e këtyre dy ministrive kanë nënshkruar edhe peticion

Punëtorët e Ministrisë së Kulturës, Rinisë dhe Sportit si dhe ata të Bujqësisë, Pylltarisë dhe Zhvillimit Rural, edhe sot kanë protestuar para objektit të këtyre dy ministrive për të kundërshtuar vendimin për largimin e tyre dhe vendosjen e presidencës në këtë ndërtesë.

Punëtorët e këtyre dy ministrive kanë nënshkruar edhe peticion që do u dërgohet Ministrisë së Administratës Publike dhe Pushtetit Lokal, zyrës së kryeministrit dhe presidencës.
Bislim Bislimi, përfaqësues i sindikatës së punëtorëve të Ministrisë së Kulturës, Rinisë dhe Sportit, tha se stafi civil i Ministrisë së Kulturës dhe asaj të Bujqësisë janë duke e kundërshtuar ketë vendim për të cili thanë se pati mungesë transparence.

Sipas tij, më i arsyeshmen do ishte kalimi i këtij stafi në ndonjë institucion publik sesa në privat sepse kostoja do jetë e lartë për të paguar qeren.

Bislmi tha se punëtorët e këtyre dy institucioneve nuk do të ndalen duke protestuar deri në realizimin e kërkesës të tyre.

Kujtojme se, brenda dy jave Ministria e Kulturës dhe ajo e Bujqësisë pritet të kalojnë në një objekt afarist në Prishtinë, derisa në objektin aktual të këtyre dy ministrive që gjendet në qendër të Prishtinës do të kalojë Presidenca e Kosovës, e cila pritet të akomodohet në objektin e ri brenda 12-15 muajsh. Ndërsa, hapësirën aktuale që e shfrytëzon presidenca e cila ndodhet në Kuvend të Kosovës, do të kalojë në shfrytëzim të këtij institucioni./21Media