Rama: 120 minuta të paharrueshme me një mik të shqiptarëve

Kryeministri i Shqipërisë, Edi Rama ka pritur në takim senatorin amerikan John McCain, i cili zhvilloi sot vizitë zyrtare në Shqipëri.

“120 minuta të paharrueshme me një mik të madh të shqiptarëve dhe një mbështetës besnik të Shqipërisë në rrugën e reformave që bëjnë shtet”, ka shkruar Rama në rrjetet sociale për takimin që ka pasur me McCain.

Senatori i cili shërben si kryetar i Komitetit të Senatit për Shërbimet e Armatosura, gjatë vizitës në Tiranë, u takua edhe me Presidentin Bujar Nishani, kryetarin e Kuvendit Ilir Meta dhe udhëheqësin e opozitës Lulzim Basha.

Senatori McCain po ashtu vëzhgoi ushtrimet ushtarake dhe u takua me anëtarë të Forcave të Armatosura të Shqipërisë./21Media