Rama: Franca mbështet integrimin e Shqipërisë në BE
Rama tha se Franca mbështet plotësisht integrimin e Shqipërisë në BE
Kryeministri i Shqipërisë, Edi Rama ka shkruar në Facebook se Franca mbështet plotësisht integrimin e Shqipërisë në BE dhe vlerëson rolin e posaçëm të Shqipërisë në stabilitetin demokratik të rajonit.
“Sot në Paris me kryeministrin Francez Cazeneuve ku u konfirmuan marrëdhënia speciale midis Shqipërisë e Francës dhe rëndësia e bashkëveprimit afatgjatë midis dy vendeve në fushën e sundimit të ligjit, mbrojtjes dhe sigurisë përmes nënshkrimit të deklaratës së partneritetit strategjik midis dy qeverive” ka thënë Rama.
Rama tha se Franca mbështet plotësisht integrimin e Shqipërisë në BE dhe vlerëson rolin e posaçëm të Shqipërisë në stabilitetin demokratik të rajonit, progresin e vendit dhe ecurinë e reformave tona në fushën e sundimit të së drejtës, si edhe përpjekjet e sukseshme në luftën kundër korrupsionit dhe krimit të organizuar.
Ai më tej tha se u veçua njëkohësisht rëndësia e trefishtë e zbatimit të reformës në drejtësi dhe impakti i saj në fushën e sigurisë dhe në përforcimin e sundimit të së drejtës në ekonomi.
“I lartë dhe interesi i sipërmarrjeve franceze për të rritur prezencën me investime te reja në Shqipëri në një klimë të re e cila ofron më shumë lehtësira dhe një potencial edhe më të madh për t’u shfrytëzuar sidomos në energji, infrastrukturë dhe në tregjet financiare” ka shkruar Rama./21Media