Rama premton rritje ekonomike mbi 5%
Rama ka thënë se janë gati për të nisur një rrugë të re
Kryeministri i Shqipërisë, Edi Rama është shprehur sot se është gati për të nisur rrugën e re për një rritje ekonomike mbi 5 për qind në 2019.
Në një postim në rrjetin social Twitter, Rama shkruan “gati për të nisur rrugën e re. Lehtësim drastik i burokracisë për qytetarët dhe biznesin. Fuqizim i shërbimeve. Rritje ekonomike mbi 5% në 2019”.
Ky postim i Kryeministrit Rama vjen pas mbledhjes së dytë informale të qeverisë në Velipojë.
Ditën e shtunë pritet që Kuvendi të japë votëbesimin për qeverinë e re të kryeministrit Edi Rama.