Regjistrohen deputetët e PDK-së

PDK në këtë mandat do t’i ketë 24 deputetë

Kryetari i Partisë Demokratike të Kosovës, Kadri Veseli dhe deputetët e PDK-së të legjislaturës së shtatë, janë regjistruar sot në Kuvendin e Kosovës. Para se të regjistrohej si deputet, kreu i PDK-së, Kadri Veseli, përshëndeti zyrtarët e Administratës së Kuvendit që po merren me procesin e regjistrimit.

Seanca konstituive e Kuvendit të Kosovës sipas vendimit të presidentit Hashim Thaçi do të mbahet më 26 dhjetor. PDK në këtë mandat do t’i ketë 24 deputetë dhe sipas deklarimeve të liderit të kësaj partie, Kadri Veseli, PDK do të jetë opozitë.