“Me lule t’bukura” pjesë e albumit "Mindil"

“Me lule t’bukura” pjesë e albumit “Mindil”

Këngëtarja e mirënjohur, Rona Nishliu sot ka publikuar në Youtube një këngë nga albumi i dytë  “Mindil”, në të cilin ka bërë një përzgjedhje të këngëve të cilat i përkasin trashëgimisë së pasur muzikore të popullit tonë.

Kënga me “Me lule t’bukra” është shoqëruar me një videoklip të veçantë nga produksioni ASHA, shkruan rtv21.tv

Rona Nishliu e cila është shtatzënë, albumin ia ka dedikuar fëmijës së saj të parë.

“Ky album shkon për ty, që jam duke të mbajtur tash e disa muaj brenda meje, duke pritur ende për takimin e parë. Ti dhe të gjithë fëmijët duhet të zbuloni se çka e inspiron muzikën kombëtare dhe regjionale. Pas dëgjimit të këngëve të mija, hulumtimit për performancat dhe këngët origjinale të pazëvendësueshmeve, Nexhmije Pagarusha, Rexho Mulliqi, Rifat Kukaj, Tish Daija, Rashid Krasniqi, Muharrem Qena, Jusuf Gërvalla, MAK Roc Band, Esma Redzepova, Zajzi Trio etc. Jam falënderuese për të gjithë autorët dhe performuesit dhe trashëgimin e tyre të pavdekshme dhe inspirimin që ende bartin”, shkruhet në kopertinën e albumit të ri të Ronës të cilin e ka promovuar më 24 prill me një koncert në Kino ARMATA.

Ndryshe, Rona Nishliu do të përformoj albumin me koncert live edhe në Maqedoninë e Veriut, koncert ky që do të mbahet me 20 Maj./21Media