Rrustem Berisha nuk do të jetë këshilltar politik i Anton Qunit

Berisha thotë se tani përfiton 70% të pagës së ministrit, lë të hapur mundësinë për të ardhmen

Ministri i sapozgjedhur i mbrojtjes, Anton Quni me të marrë detyrën, i propozoi ish-ministrit Rrustem Berisha që të angazhohet si këshilltar i tij. Ky i fundit për 21Media ka sqaruar se nuk do të pranojë të bëhet këshilltar politik i tij. Por ai shtoi se është i gatshëm t’i dalë në ndihmë ministrit Quni, qoftë si këshilltar i jashtëm apo edhe të angazhohet në këshillimin e tij në formë miqësore.

Ai tutje sqaroi se arsyen pse nuk do të marrë postin e këshilltarit në Ministrinë e Mbrojtjes, sepse edhe për një vit përfiton 70% të pagës të ministrit. Kështu që këtë pozitë tha që është më mirë ta marrë dikush tjetër.

“Po unë isha aty dhe u befasova me propozimin e tij, por megjithatë unë e kam shprehur gatishmërinë çkado që ka nevojë e që është në interes të FSK-së jam i gatshëm me ndihmu. Por jo si këshilltar, sepse une veç e kam statusin e rregullum, domethënë 70% të rrogës e marrë një vit. Nuk kam arsye për me nxanë një vend aty, por jam i gatshëm qoftë si këshilltar i jashtëm, qoftë edhe vetëm kështu me i ndihmu kur ka një temë ose çkado që e vlerëson për ndonjë konsultë që mundem me i ndihmu.”, deklaroi ai për 21Media.

Ish-ministri Berisha megjithatë la të hapur mundësinë që në të ardhmen të angazhohet në këtë pozitë.

“E shohim se si do të shkon situata. Me rëndësi që i kam garantuar dhe ofruar bashkëpunim për çfarëdo teme që ai konsideron që duhet me u këshillu ose duhet me marrë mendimin tim.”, u shpreh ai.

FSK është transferuar në Ushtri gjatë mandatit të Berishës./21Media

Back to top button