“Nata e Gretës” së shpejti në teatrin "Adriana"

“Nata e Gretës” së shpejti në teatrin “Adriana”

Pas disa javësh prova është duke u finalizuar shfaqja “Nata e Gretës” e ndërtuar sipas tekstit të Igmar Villqist. Në këtë dramë psikologjike peshën e roleve shumë komplekse do ta bartin dy aktoret e njohura: Gresa Gashi e Arjola Demiri, ndërsa regjisor i shfaqjes është Ben Apolloni, i cili ka bërë edhe kostumet dhe skenografinë.

“Nata e Gretës” rrëfen historinë e një vajze me zhvillim të vonuar, e cila është rritur nga një grua që ka humbur gjithçka në jetë dhe kur regjimi nazist fillon t’i mbledhë dhe djegë llojin e njerëzve çfarë është Greta, kinse për të pastruar racën, gruaja vendos që me çdo kusht ta mbroje vajzën që mos të bie në duar të vrasësve nazist.

Shfaqja është përplot situata dramatike, komike e tragjike. “Nata e Gretës” është shfaqje që prekë thellë në ndërgjegjien e njerëzimit.

Premiera e shfaqjes do të jetë me 1 korrik në Teatrin “Adriana” në Ferizaj, ndërsa me 2 korrik do të jetë edhe repriza e parë. Projekti është mbështetur nga komuna e Ferizajt.