Gottemoeller tha se shteti serb vendos se çfarë marrëdhënie dëshiron të ketë me Rusinë

Gottemoeller tha se shteti serb vendos se çfarë marrëdhënie dëshiron të ketë me Rusinë

Zëvendësja e sekretarit të përgjithshëm të NATO-s, Rose Gottemoeller, ka thënë të mërkurën se NATO ka raporte të mira me Serbinë dhe se Beogradi zyrtar ka të drejtë të vendosë nëse dëshiron të bashkëpunojë edhe me Rusinë.

Në një intervistë për European Western Balkans, ajo theksoi se NATO beson në parimin që të gjitha shtetet dhe kombet kanë të drejtë të zgjedhin rrethet e tyre të sigurisë dhe bashkëpunimit, ashtu që, siç thotë, i takon popullit dhe udhëheqjes serbe të vendosin se në cilën mënyrë dëshirojnë të ndërtojnë marrëdhëniet e tyre.