Kina është zotuar të rrisë importet e SHBA-së me 200 miliardë dollarë

Kina është zotuar të rrisë importet e SHBA-së me 200 miliardë dollarë

Shtetet e Bashkuara të Amerikës dhe Kina kanë nënshkruar një marrëveshje e cila synon lehtësimin e një lufte tregtare që ka tronditur tregjet dhe ka goditur ekonominë globale.

Presidenti amerikan Donald Trump tha se pakti do të ishte transformues për ekonominë e SHBA-së.

Zyrtarët e lartë kinezë e quajtën atë një marrëveshje të fitores që do të ndihmonte në forcimin e marrëdhënieve më të mira midis dy vendeve.

Kina është zotuar të rrisë importet e SHBA-së me 200 miliardë dollarë, mbi nivelet e vitit 2017, dhe të forcojë rregullat e pronësisë intelektuale.

Në këmbim, SHBA-ja ka rënë dakord të përgjysmojë disa nga tarifat e reja që ka vendosur për produktet kineze.

Trump ka thënë në fund të vitit të kaluar, se ai pas nënshkrimit të marrëvëshjes së quajtur “Faza e Parë”, do të udhëtojë në Pekin për të filluar bisedimet për fazën tjetër të marrëveshjes.

SHBA filluan një luftë tregtare kundër Pekinit, një vit e gjysmë më parë, pasi e akuzuan për praktika të padrejta të tregtisë, të tilla si vjedhja e pronës intelektuale amerikane dhe subvencionet shtetërore të cilat i përfitojnë kompanitë kineze.