Ambasada amerikane thotë se askush nuk po mbanë përgjegjësi

Ambasada amerikane thotë se askush nuk po mbanë përgjegjësi

Ambasada amerikane në Kosovë është duke ndërmarrë hapa që individë që janë përfshirë në rastet e mëdha të korrupsionit të mos iu lëshohen vizat për udhëtim në Shtetet e Bashkuara për biznes apo turizëm.

Është praktikë e zyrtarëve konsullorë që të shqyrtojnë faktet për çdo aplikim për vizë, duke përfshirë edhe çdo informatë negative lidhur me aplikuesin, dhe që të përcaktojnë përshtatshmërinë për marrje të vizës në bazë të ligjeve të SHBA-ve”, thuhet në deklaratën e ambasadës së SHBA-ve.

Në deklaratë të ambasadës thuhet se sipas nevojës, vazhdimisht peshohen akuzat dhe dëshmitë për korrupsionin dhe krimin e organizuar gjatë vendimmarrjes për viza, në mënyrë që t’i kufizojmë ata që kontribuojnë në këto probleme nga marrja e vizave për udhëtim në Shtetet e Bashkuara.

Ne do të vazhdojmë të shprehim publikisht shqetësimin tonë se askush nuk është duke u mbajtur përgjegjës, përfshirë zyrtarë të Kosovës, për korrupsionin dhe krimin e organizuar që janë qartësisht prezente në rastet: Pronto, viza italiane, ikja nga burgu i Dubravës, Toka, dhe Apex, si dhe në raste të tjera të ngjashme”, thuhet në deklaratë.