Shkurti po shkon me të ftohtë

Në zonat malore temperaturat do të ulen deri në -8 gradë celcius

E premtja e fundit e shkurtit ishte me temperatura të ulëta, re dhe reshje të dobëta shiu. I gjithë vendi është përfshirë nga mot i paqëndrueshëm ndërsa sipas meteorologëve edhe nesër priten reshje të dobëta shiu. Në zonat 800 m mbi nivelin e detit, priten edhe reshje bore, ndrësa në zonat më të ulëta mund të jenë reshje bore përzier me shi.

Nga ditët e nxehta dhe me diell si duket shkurti po mbyllet me temperatura të ulëta, ku në zonat malore do të ulen deri në -8 gradë celcius.

Sot pasdite (e premte)dhe nesër (e shtunë) priten reshje të dobëta. Në disa raste ato do të jenë me karakter të theksuar lokal.

Do të ketë edhe reshje të dobëta bore mbi 800m mbi nivelin e detit, por në zona shumë të kufizuara bora mund të shfaqet edhe më poshtë sesa ky nivel./21Media