Të dhënat e fundit tregojnë se të paktën 1,400 vetë kanë vdekur

Të dhënat e fundit tregojnë se të paktën 1,400 vetë kanë vdekur

Republika Demokratike e Kongos ka shpallur emergjencën shëndetësore pasi po ndeshet njëherësh me shpërthimin e epidemisë së fruthit dhe të Ebolës.

Organizatat e ndihmës e quajnë këtë epidemi të frikshme dhe i bëjnë thirrje bashkësisë ndërkombëtare për ndihmës. Përveç Kongos, tre raste me Ebola janë konfirmuar edhe në Ugandë.

Republikën Demokratike të Kongos është duke u ndeshur me shpërthimin e epidemisë së Ebolës dhe të fruthit njëherësh. Të dhënat e fundit tregojnë se të paktën 1,400 vetë kanë vdekur nga Ebola që nga gushtit i kaluar.

Qeveria ka shpallur emergjencën kombëtare pasi përveç Ebolës, fruthi numërohen 1500 vdekje.

Shpërthimi i fundit i Ebolës në Afrikën Qendrore “është vërtet i frikshëm”, thotë Jeremy Farrar, drejtor i organizatës kërkimore Wellcome Trust, me seli në Londër.

Ai thekson se epidemia është më e keqe se ajo e periudhës 2013-2016 dhe nuk po tregon “shenja ndalimi”.

“Republika Demokratike e Kongos nuk duhet të përballet e vetme me këtë gjendje”, tha ai.

Tre raste infektimesh me Ebola janë konfirmuar edhe në Ugandë, një vend fqinj me Republikën Demokratike të Kongos.

Organizata Botërore e Shëndetësisë (OBSH) njoftoi të martën se një djalë 5 vjeçar ishte diagnostikuar në Ugandë, me sa duket pas kalimit të kufirit.

Ebola është një virus që fillimisht shkakton ethe, dobësi, dhimbje të muskujve dhe dhimbje të fytit.

Pacientët e prekur mund të vdesin nga dehidrimi dhe dështimi i disa organeve.

Shpërthimi më i madh që ka ndodhur në Afrikën Perëndimore më 2013-2016, preku 28,616 njerëz, kryesisht në Guinea, Liberi dhe Siera Leone. Në atë periudhë kohore janë raportuar 11,310 vdekje.