Shqipëria, shembull i demokracisë në veprim

Dje, Tirana dhe Shqipëria dhanë një shembull të demokracisë në veprim.

Me mijëra vetë u mblodhën për protestën “Shqipëria në rrezik” e drejtuar nga Prof. Dr. Sali Berisha.

Nuk ka demokraci pa një opozitë të fuqishme. Protesta e djeshme tregoi se shqiptarët nuk do të pranojnë që t’u shkelen të drejtat, nuk do të pranojnë skandalet e korrupsionit që po zbulohen çdo ditën e që dëshmojnë përzjerjen e zyrtarëve të lartë socialistë.

Nuk do të pranojnë shtrenjtimin e papërballueshëm të jetesës në një kohë kur bizneset me lidhje politike pasurohen me ndihmën e pushtetit. Nuk do të pranojnë një qeveri që bën aleancë me Beogradin, për Ballkan të Hapur që përjashton Kosovën dhe interesat kombëtare shqiptare në rajon.

Këto politika vërtet që e vendosin Shqipërinë në rrezik sepse vendi po zbrazet nga emigracioni. Rinia dhe profesionistët vazhdojnë të largohen.

Shqiptarët nuk duhet të rrinë heshtur e mënjanë. Duhet të ngrenë zërin. Të organizohen e mobilizohen për ndryshim politik. Demokracia nuk funksionon nëse nuk ka një opozitë të fortë dhe nuk ka ndryshime në qeveri e pushtet.

Pas gati 10 vitesh, të Edi Rames në krye të qeverisë dhe ku partia e tij mban gjithë pushtetin, koha ka ardhur për ndryshim.

Harry Bajraktari është themelues dhe botues i gazetës Illyria (1991-1998), një drejtues i komunitetit shqiptaro-amerikan, filantrop dhe përfitues i shumë çmimeve, duke përfshirë Nderin e Urdhrit të Kombit nga Presidenti i Shqipërisë, Medaljen Presidenciale të Kosovës për Meritat & Bardhë Thirrja Presidenciale e Shtëpisë për Amimin e Shërbimit./21Media

Artikujt e ngjajshem

Back to top button