Bala: Sapo na erdhi lajmi i mirë

Bala: Sapo na erdhi lajmi i mirë

Gjykata Supreme ka marrë vendim lidhur me ankesën e Lëvizjes Vetëvendosje për numërimin edhe të 1806 pakove me fletëvotime nga mërgata.

Këtë e ka bërë të ditur anëtarja e Lëvizjes Vetëvendosje në Komisionin Qendror Zgjedhor (KQZ), Nazlie Bala.

Bala përmes një postimi në rrjetin social “Facebook”, ka thënë se pas ankesës së VV-së, Supremja mori këtë vendim.

Ditë më parë, KQZ-ja nuk kishte proceduar për votim në QNR këto pako me fletëvotime, teksa VV-fillimisht ishte ankuar në PZAP, e cila ankesën e kishte vlerësuar si të pabazuar.  Për këtë arsye, kjo parti dje ka dorëzuar ankesën tjetër në Gjykatën Supreme.

“Sapo na erdhi lajmi i mirë: Gjykata Supreme e miratoi ankesën e Lëvizjes VETËVENDOSJE! për të numëruar edhe 1806 pakot e fundit me fletëvotime nga mërgata. Mërgata”, ka deklaruar në Facebook Nazlie Bala.