tre persona mbetën të plagosur

tre persona mbetën të plagosur

Një 37 vjeçar u vra dhe tre të tjerë u plagosën nga të shtënat jashtë një klubi të natës në qytetin australian të Melburnit.

Tre roje të sigurisë dhe një njeri që po dilte nga jashtë u qëlluan në incidentin e së dielës.

“Duket se arma është shtënë nga makina në drejtim të turmës që qëndronte jashtë klubit të natës”, ka thënë inspektori Andrew Stamper për mediat.

Policia thotë se nuk ka prova për të sugjeruar që të shtënat janë të lidhura me ndonjë sulm terrorist, transmeton rtv21.tv.

Deri më tani asnjë person nuk është arrestuar dhe hetimet janë duke vazhduar për zbardhjen e këtij rasti.

Të shtënat masive në Australi janë të rralla. Vendi rishikoi ligjet e armëve pasi 35 persona u vranë në Port Arthur, Tasmania më 1996./21Media