Ter Stegen, heroi i heshtur i Barcelonës

Portieri gjerman ishte vendimtar me pritjet e tij

Në një mbrëmje ku e gjithë bota foli vetëm për Lionel Messin dhe magjitë e tij në fushë, Barcelona pati edhe një hero tjetër në mes të shtyllave. Është fjala për portierin Marc Andre ter Stegen që në ndonëse pësoi dy gola, në shumë raste ka shpëtuar katalanasit të pësonin më tepër gola.

Ter Shtegen shkëlqeu në portën e vet dhe krahas Messit, ka meritën kryesore në fitoren kundrejt Realit.

Gjatë ndeshjes, ai priti disa goditje që dukeshin sikur kishin përfunduar në rrjetë. Gjermani bëri 12 pritje vendimtare, më shumë se çdo portier tjetër i Barcelonës që nga sezoni 2003/04.