Tërheq 15 mijë euro nga banka, persona të armatosur i zënë pritën

E grabisin

Një person ka rënë pre e grabitjes mbrëmjen e kaluar në Burrel në Shqipëri.

Shtetasit me iniciale D. B., pasi tërhoqi 15 mijë euro nga banka, persona të armatosur i kanë zënë pritë dhe i vodhën paratë.

Dyshohet se ai është pikasur nga grabitësit e maskuar në momentin që ka tërhequr eurot.

Ngjarja ndodhi rreth orës 22:00 të mbrëmjes së të mërkurës (11 dhjetor) në rrugën që të çon në fshatin Derjan.

Policia po heton ngjarjen dhe po punon për kapjen e autorëve./oranews