Tërmet në Filipine një i vdekur e disa të lënduar

Tërmet në Filipine një i vdekur e disa të lënduar

Një tërmet i fortë goditi të dielën afër qytetit të Filipineve, Davao, duke vrarë një fëmijë, duke shkaktuar disa lëndime dhe dëmtuar ndërtesa , thanë zyrtarët.

Tërmeti me magnitudë 6.8 ballë u përqëndrua 61 km në jug-perëndim të Davao në ishullin Mindanao, në një thellësi prej 28.2 km, në ShBA.

Qendra e Paralajmërimit të Tsunamit të Paqësorit tha që nuk kishte ndonjë kërcënim nga tsunami apo tërmeti, bazuar në të dhënat në dispozicion, përcjell portali rtv21.tv

Vincent Fernandez, kryetari i bashkisë së qytetit Matanao në provincën Davao del Sur, pranë epiqendrës, i tha Radio DZMM se një vajzë gjashtë vjeçare kishte vdekur pasi u rrëzua një mur mbi të.

Fernandez tha se shtrirja e dëmit nuk ishte ende e qartë, por autoritetet kishin nevojë për ushqim, ujë dhe batanije për të ndihmuar banorët.

Anthony Allada, zyrtar për informim publik në Magsaysay Toën afër, tha se 14 persona u lënduan, por jashtë rrezikut për jetë.

Rajoni u trondit nga katër tërmete të fuqishme në tetor dhe nëntor, të cilat vranë së paku 20 njerëz së bashku./21Media