Thaçi: Bashkëpunimi ekonomik, prioritet i dy shteteve

Sipas Thaçit, Kroacia përbën një model për shtetet e rajonit në jetësimin e reformave

Presidenti i  Kosovës, Hashim Thaçi pas takimit me presidenten e Kroacisë, Kolinda Grabar-Kitarović, ka zhvilluar takime edhe me kryeministrin kroat, Andrej Plenković dhe kryeparlamentarin, Gordan Jandroković.

Thaçi, pas takimit me kryeministrin Plenković ka thënë se Kosova dhe Kroacia duhet të punojnë më shumë në rritjen e shkëmbimit tregtar si dhe të bashkëpunimit në fushën e arsimit, teknologjisë, kulturës dhe sportit.

“Bashkëpunimi në fushën e ekonomisë, duhet të jetë prioritet i dy shteteve tona. Hapat e menjëherhshëm, konkretë, mund të jenë hapja e Odës Ekonomike Kroate në Kosovë si dhe mundësia e punësimit sezonal të kosovarëve në Kroaci”, u shpreh Thaçi.

Ndërsa, me kryeparlamentarin, Gordan Jandroković, presidenti Thaçi ka biseduar për mundësinë e thellimit të bashkëpunimit të përgjithshëm në mes dy shteteve.

“Kroacia përbën një model për shtetet e rajonit në jetësimin e reformave që janë kriter kryesor i përshpejtimit të rrugës së shteteve të Ballkanit në Bashkimin Evropian”, u shpreh Thaçi./21Media

Back to top button