"Skulptura në Kosovë që tregon vështirësitë që kaloi shteti"

Loading...

“Skulptura në Kosovë që tregon vështirësitë që kaloi shteti”

“Para një dekade, Fisnik Ismaili dizajoni një skulpturë për të festuar shpalljen e pavarësisë së Kosovës nga Serbia. Ishte një fjalë, “Newborn”, e paraqitur në shkronja të mëdha e ngjyrosur në ngjyrë të verdhë të ndezur. Ai nuk kishte para për të paguar personat që ndërtuan shkronjat, kështu që la çelësat e veturës dhe shtëpisë së tij si depozitë”, shkruhet në fillimin e artikullit të shkruar nga Alex Marshall për “The New York Times”.

Artikulli shkruan për ndërtimin e skulpturës që u bë simbol i shtetit të Kosovës si dhe për jetën dhe veprimtarin e Fisnik Ismailit, shkruan rtv21.tv

Ky artikull tregon se si u ndryshua dizajni i simbolit “Newborn” gjatë 10 vjetëve si dhe flet se si krijimtari i kësaj skulpture 5 ditë para përvjetorit të pavarësisë e ideon se si do të duket “Newborn” në vitin pasues.

Shkrimi përfundon me atë se jo të gjithë qytetarët e Kosovës janë të lumtur për kontrollin që ka Fisnik Ismaili mbi skulpturën.

“Jo të gjithë në Kosovë janë të lumtur për kontrollin e skulpturës nga zotri Ismaili. ‘Duhet ta lërë atë tek publiku ose artistët e rrugës për të bërë atë që duan, për të thënë atë që u duhet’, tha Dardan Zhegrova, një artist lokal.”, citohet në artikullin e shkruar.

Për shkrimin e këtij artikulli Fisnik Ismaili, falenderoi autorët e tekstit përmes një postimi në rrjetin social Facebook./21Media