Trump sulmon kryeministren May dhe ambasadorin Darroch

Trump sulmon kryeministren May dhe ambasadorin Darroch

Presidenti i SHBA-së, Donald Trump, ka nisur një sulm të ri ndaj kryeministres britanike Theresa May dhe ambasadorit britanik në Uashington, duke e quajtur kryeministren një “katastrofë” dhe Kim Darroch një “budalla pompoz”.

Trump e ka përshkruar diplomatin britanik si “një djalë shumë budalla”, i cili ishte “i vendosur në Shtetet e Bashkuara”, raporton Daily Mail.

“Ambasadori i çuditshëm të cilin Britania e Madhe e ka vendosur në SHBA nuk është dikush me të cilin ne jemi të kënaqur, një djalë shumë budalla“, ka shkruar Trump në Twitter.

“Ai duhet të flasë me shtetin e tij dhe kryeministren May për negociatat e tyre të dështuara në Brexit dhe të mos mërzitet nga kritikat e mia se si kjo është kryer keq”, ka shtuar Trump.

“Thashë se si ta bëja këtë punë, por ajo punoi në mënyrën e saj të çmendur – ajo nuk ishte në gjendje ta bënte atë. Katastrofë! Nuk e njoh ambasadorin, por më kanë thënë se ai është budalla pompoz,” ka shkruar presidenti i SHBA-së në Twitter.

Më parë, një zëdhënës i kryeministres britanike ka thënë se ambasadori Darroch do të mbetet në detyrë dhe vazhdon të kryejë detyrat e tij me mbështetjen e plotë të Theresa May.

Presidenti Trump ka thënë se nuk do të merrej me ambasadorin Darroch pas rrjedhjes së letrave konfidenciale, në të cilat diplomati e përshkroi administratën e presidentit amerikan si “jo kompetente”, raporton Reuters.

Trump ka deklaruar dje se do të merrej më me ambasadorin britanik.

“Nuk e njoh ambasadorin, por për të nuk ka mendim të mirë në SHBA dhe as nuk e pëlqejnë. Ne nuk do të kemi më punë me të, “ ka thënë Trump në Twitter.

Ai ka kritikuar kryeministren May për të njëjtën njoftim, duke thënë se është një lajm i mirë për Britaninë e Madhe, e cila së shpejti do të bëhet me një kryeministër të ri.