Trump kritikon demokratët rreth planit për zhbllokimin e bllokadës financiare

Trump iu paraqiti demokratëve disa propozime për një zgjidhje të bllokadës

Presidenti i SHBA-së Donald Trump kritikoi sot demokratët për shkak të refuzimit të planit të tij për t’i dhënë fund bllokadës financiare të qeverisë federale, duke thënë se ata e hodhën poshtë propozimin para se ta shihnin atë.

Të shtunën, në një fjalim publik, Trump iu paraqiti demokratëve disa propozime për një zgjidhje të bllokadës, nëse ata do të binin dakord që nga buxheti i shtetit të financohej ndërtimi i një muri përgjatë kufirit me Meksikën, gjë që shkaktoi një “mbyllje të qeverisë” që zgjat 30 ditë rekord.

Sipas Reuters, dy oferta kryesore për demokratët janë paraqitur në planin e Trump.

Njëri i referohet zgjatjes trevjeçare të mbrojtjes kundër dëbimit për rreth 700,000 emigrantë që kanë hyrë ilegalisht në SHBA qysh si fëmijë me prindërit e tyre.

Tjetra i referohet të njëjtës zgjatje për rreth 300,000 refugjatë nga vendet e prekura nga fatkeqësitë e luftës ose natyrore, të cilët kanë viza të përkohshme për të qëndruar në SHBA.

Presidenti i Dhomës së Përfaqësuesve të Kongresit nga radhët e demokratëve Nancy Pelosi, tha se propozimi ishte “i papranueshëm” dhe se “nuk ishte një përpjekje dashamirëse për të rivendosur sigurinë për jetën njerëzore”.

Demokratët, që nga zgjedhjet e nëntorit, kanë një shumicë në Dhomën e Përfaqësuesve, ndërsa Senati mbetet nën kontrollin e republikanëve të Trump.

Me këtë rast, presidenti i SHBA-së tha se Nancy Pelosi dhe demokratët e tjerë refuzuan ofertën e tij “para se ai të fliste.”

Ata, sipas tij, “nuk e shohin krimin dhe drogën” që kalojnë përmes kufirit me Meksikën, por sytë e tyre vetëm në vitin 2020, kur zgjedhjet presidenciale mbahen, dhe kur, siç tha Trump, “nuk do të fitojnë”.

Trump po ashtu ka deklaruar se nuk planifikon një operacion të madh në të cilin nga SHBA do të largoheshin “mbi 11 milionë njerëz të tjerë” që jetojnë në këtë vend në mënyrë të paligjshme.