Trump prej Arabisë Saudite në Izrael
Presidenti amerikan do të qëndrojë dy ditë
Presidenti i SHBA-ve Donald Trump, viziton Izraelin dhe territoret palestineze, derisa vazhdon udhëtimin e tij të parë jashtë vendit.
Ai fluturon nga Arabia Saudite, një aleat kyç i SHBA-ve, ku mbajti një fjalim para udhëheqësve arabë dhe myslimanë në një samit.
Trump do të takohet me udhëheqësit izraelitë dhe palestinezë gjatë rrjedhës së ndalimit të tij dy ditor.
Presidenti e ka quajtur marrëveshjen e paqes izraelito-palestineze “marrëveshje përfundimtare”, duke mos specifikuar se si duhet të realizohet një gjë e tillë.
Ai ka thënë se preferon që të dyja palët të vendosin në bisedime të drejtpërdrejta.
Në një samit në Riad të dielën, Trump u bëri thirrje udhëheqësve arabë dhe myslimanë të marrin drejtimin në luftën kundër militantëve islamikë, duke u bërë thirrje atyre që t’i “dëbojnë ata nga kjo tokë”.
Ai veçoi Iranin, duke thënë se vendi “ushqeu zjarret e konfliktit sektar dhe terrorit” në rajon për dekada të tëra.