Trupat e viktimave ukrainase u kthyen në shtëpi

Kutitë e zeza janë duke u ekzaminuar në Iran

Trupat e 11 ukrainasve që vdiqën në një rrëzim avioni u riatdhesuan pasi Irani bëri me dije se nuk do t’ua dorëzojë autoriteteve ukrainase kutitë e zeza.

Të 11 qytetarët vdiqën kur aeroplani u qëllua aksidentalisht nga Irani në fillim të këtij muaji.

Të gjithë 176 udhëtarët dhe anëtarët e ekuipazhit në bordin e fluturimit nga Irani në Kiev vdiqën më 8 janar dhe shumica e tyre ishin shtetas iranianë dhe kanadezë.

Dje Irani bëri të ditur se do të dërgonte kutitë e zeza të aeroplanit në Ukrainë, por të dielën kjo u mohua.

Sipas agjencisë së lajmeve IRNA, kutitë e zeza janë duke u ekzaminuar në Iran dhe nuk është marrë asnjë vendim për dërgimin e tyre në Ukrainë.

Hassan Rezaifar, drejtor përgjegjës për hetimet e aksidenteve në Organizatën e Aviacionit Civil iranian tha për IRNA-n, se kutitë e zeza nuk do të dërgohen në asnjë vend tjetër edhe pse si opsion ishte Franca dhe Ukraina.

Back to top button