Në afërsi të fshatit Smokvicë policia ndaloi një automjet transportues "Iveko", ku u gjetën 50 emigrantë nga Pakistani dhe Afganistani

Në afërsi të fshatit Smokvicë policia ndaloi një automjet transportues “Iveko”, ku u gjetën 50 emigrantë nga Pakistani dhe Afganistani

Në autostradën Gjevgjeli – Shkup në afërsi të fshatit Smokvicë, dje në orën 11:00, nëpunësit policorë në një automjet transportues “Iveko” me tabela regjistrimi të Shkupit i kanë gjetur 50 emigrantë nga Pakistani dhe Afganistani, prej të cilëve katër janë fëmijë.

Nga MPB-ja njoftojnë se nëpunësit policorë kanë dhënë shenjë për ndalimin e automjetit motorik “Iveko” me ç’rast drejtuesi e ka ndaluar automjetin 50 metra pas patrullës dhe është arratisur nga vendi i ngjarjes.

“Gjatë kontrollit të automjetit, në hapësirën për ngarkesë, janë gjetur 50 emigrantë nga Pakistani dhe Afganistani, prej të cilëve katër janë fëmijë. Emigrantët janë dërguar në Qendrën transitore të pranimit Gjevgjeli për procedurë të mëtejme. Janë duke u ndërmarrë masa për gjetjen e drejtuesit dhe për zbardhjen e plotë të rastit” shtojnë gjithashtu nga MPB-ja./21Media