U vu gurthemeli i sheshit në Obiliq

Projekti do të kushtojë mbi 1 milion euro

Kryeministri i Republikës së Kosovës, Ramush Haradinaj, bashkë ministri i infrastrukturës, Pal Lekaj dhe kryetari i Obiliqit, Xhafer Gashi, vunë gurthemelin për ndërtimin e sheshit kryesor të Obiliqit i cili do të quhet “Adem Preniqi”

Ky projekt i Obiliqit do të realizohet me mbështetjen financiare të Ministrisë së Infrastrukturës dhe do të ketë mbi 10600 metra katrorë, kurse kostoja e ndërtimit të tij do të jetë mbi 1 milionë e 200 mijë euro, prej të cilave mbi 1 milion do të jenë investim i MI-së.
Kryeministri Haradinaj tha se ndërtimi i këtij sheshi për qytetarët e Obiliqit, është investim që këtij qyteti ti kthehet dinjiteti i munguar që edhe ky qytet të bëhet atraktiv dhe i dëshiruar nga qytetarët dhe vizitorët.

Ndërsa ministri Pal Lekaj, duke i uruar qytetarët e Obiliqit ka deklaruar se ky nuk është projekti i fundit që po investohet në Obiliq, qytet ky i cili ka bërë të munduar që ne të gëzojmë përfitimet që i sjellë energjia elektrike që ky qytet prodhon.

Kurse kryetari i Obiliqit, Xhafer Gashi i falënderoi kryeministrin Haradinaj dhe ministrin Lekaj, për përkrahje të Obiliqit. Gashi tha se me kërkesë të qytetarëve të Obiliqit, ky shesh pas aprovimit nga Asambleja Komunale e Obiliqit, do të mbajë emrin e veprimtarit të madh Adem Preniqi./21Media

Back to top button