Uria kërcënon gjysmën e popullatës në Irak

OKB ka theksuar se lufta dhe rritja e çmimeve bazë të ushqimeve janë shkaktarët kryesorë për këtë gjendje

Më shumë se gjysma e familjeve irakiane janë në rrezik nga uria, njoftoi sot agjencia e OKB-së për Programin Botëror të Ushqimit dhe paralajmëroi për nivel të paparë të cenueshmërisë së popullsisë gjatë viteve të konfliktit.

Siç njofton Programi Botëror i Ushqimit, shumica e familjeve në Irak nuk do të jenë në gjendje për t’u ushqyer, në qoftë se vazhdon rritja çmimit bazë të ushqimeve, apo përshkallëzimit të luftës, raporton Reuters.