Veseli merr përkrahjen për ushtrinë nga senatori amerikan

“Shtetet e Bashkuara të Amerikës do të jenë gjithmonë përkrah Kosovës”

Kryetari i Kuvendit të Kosovës, Kadri Veseli gjatë qëndrimit të tij në Shtetet e Bashkuara të Amerikës është takuar edhe me senatorin Gary Peters.

Veselit në një postim në facebook ka thënë se me senatorin Peters kanë diskutuar për transformimin e FSK-së në Ushtri të Kosovës.

“Në takim me Senatorin, Gary Peters, një mik i madh i Kosovës. E falënderova për mbështetjen që i ka dhënë dhe po i jep Kosovës. Si anëtar i Komitetit të Senatit për Forca të Armatosura, me senatorin Peters diskutuam për transformimin e FSK-së në Ushtri të Kosovës. Ai shprehi përkrahjen e plotë si dhe patëm një diskutim shumë përmbajtësor për misionin dhe ngritjen e kapaciteteve të ushtrisë sonë pas transformimit. Shtetet e Bashkuara të Amerikës do të jenë gjithmonë përkrah Kosovës”, ka shkruar Veseli.