Arrestohet se vjedhi veturën, lirohet nga Prokurori i Shtetit!
I dyshuari është arrestuar mbrëmë
Policia e Ferizajt njofton se është arrestuar një i dyshuar me inicialet R.A i cili para dy ditësh kishte vjedhur një veturë në këtë qytet.
Pas raportimit të rastit policia e Ferizajt iu kanë përgjigjur rastit dhe kanë informuar stacionet policore Lipjan dhe Prishtinë, pasiqë dyshohej se vetura është duke qarkulluar në autostradën Ferizaj- Prishtinë.
Sipas Policisë i dyshuari është arrestuar mbrëmë në fshatin Milloshevë derisa qarkullonte me veturën e vjedhur.
I dyshuari R.A. ( 37 vjeç) është arrestuar si dhe është konfiskuar vetura, e cila pas përfundimit të procedurave ligjore, i është kthyer pronarit.
Pas intervistimit, i dyshuari me urdhër të Prokurorit të Shtetit është liruar në procedurë të rregullt.