Vrasja e Qerim Kelmendit, reagoi vëllai Ibrahimi
““Festoni rugovistë “pacifistë” – dorë e zgjatur vrastare e Serbisë!”
Personi që dyshohet se u vra mbrëmë pas mesnate në fshatin Zahaq të Pejës është ish-luftëtari i UÇK-së, Qerim Kelmendi.
Kjo tashmë u konfirmua edhe nga vëllai i të ndjerit dhe njëkohësisht anëtarit të ish-Lëvizjes Popullore të Kosovës, Ibrahim Kelmendi.
“Festoni rugovistë “pacifistë” – dorë e zgjatur vrastare e Serbisë! Mallkimi dhe turpi ju mbulofshin!”, shkroi ai në rrjetin e tij social Facebook.
Kelmendi publikoi edhe një foto të të vëllait së bashku me Ilirin Konushevcin dhe Adrian Krasniqin.
Ndryshe, Qerim Kelmendi u gjet brenda një veturë, e cila është djegur rreth orës 01:30 minuta të datës së sotme.