Vushtrria solidarizohet me Shqipërinë

Vushtrria solidarizohet me Shqipërinë

Përveç qytetarëve të Kosovës që i’u kanë dalë në ndihmë viktimave në Shqipëri edhe disa komuna kanë ndarë fonde për t’u solidarizuar me ta.

Komuna e Vushtrrisë ka ndarë 3 mijë euro për viktimat në Shqipëri. Kjo e ka bërë të ditur asistenti i kryetarit të Komunës së Vushtrris, Shkëlzen Xhaferi për rtv21.tv.

Përveç Vushtrrisë, edhe Komuna e Prishtinës ka ndarë 50 mijë euro. Ndërsa Mitrovica ka njoftuar se ka ndarë 20 mijë euro për ta ndihmuar Shqipërinë. Kryetari i komunës, Agim Bahtiri, tha se vendimi është marrë me qëllim që sado pak t’u dilet në ndihmë këtyre banorëve, të cilët janë përballur dje me lëkundje të forta tërmeti.

Ndërsa Qeveria e Kosovës ka ndarë 500 mijë euro për viktimat e tërmetit në Shqipëri.

Rreth orës 04:00 të mëngjesit në ditën e djeshme, Shqipërinë e goditi tërmeti me magnitudë 6.3 shkallë të rihterit me epiqendër në Tiranë. Ky tërmet dridhi edhe Kosovën, me lëkundje që u dëgjuan edhe në vendet tjera si Maqedonia e Veriut, Serbia, Mali i Zi, Bosnje e Hercegovina, Kroacia, Bullgaria dhe Italia. Raportohen se deri tani kanë mbetur të vdekur 29 persona në Shqipëri nga ky tërmet./21Media