Për peshë optimale konsumoni perime dhe fruta

Për peshë optimale konsumoni perime dhe fruta

Patate të skuqura dhe çipsat së bashku me sodat mendohet të jenë më përgjegjësit për trashjen. Ky është përfundimi i studiuesve nga Universiteti i Harvardit bazuar në analizat e bëra gjatë 20 vjetëve.

Nga ana tjetër, nëse konsumojmë ushqime që janë të pasura me celulozë së bashku me kos, atëherë humbim peshë.

Ekspertët sugjerojnë që nëse konsumojmë shumë ushqime të shëndetshme, do të konsumojmë ushqime më pak jo të shëndetshme.

Gjithashtu, ushqimet e pasura me celulozë na japin një ndjenjë të ngopjes, ndërsa patatet e skuqura, ëmbëlsirat ose sodat shijen më  tëmirë, por shumë shpejt do të jemi përsëri të uritur.

Nuk ka dyshim se njerëzit që konsumojnë kos bëjnë shumë për të mbajtur peshën normale. Gjithashtu, njerëzit që konsumojnë më shëndetshëm, nëse nuk pinë duhan dhe nëse flenë mesatarisht 7-8 orë gjatë natës, kanë shumë më tepër energji dhe ushtrojnë shumë më shumë fizikisht.

Studiuesit kanë analizuar 120.877 burra dhe gra në SHBA, të cilët kishin një peshë trupore nominale dhe i ndanë në tri grupe. Mesatarisht, ata kanë fituar 1.5 kg çdo 4 vjet, që ishte rreth 7.5 kg mbi 20 vjet dhe ishin në rrezik të rritur nga sëmundjet e zemrës, diabeti dhe kanceri.

Studimi ishte përqendruar në mënyrë të veçantë në marrëdhëniet e shtimit në peshë dhe konsumit të llojeve të caktuara të ushqimeve te gratë.

Është konstatuar se të gjitha llojet e patateve, veçanërisht çipsat dhe patatet e skuqura çojnë në shtim peshe, por edhe që mishi i kuq, produktet e mishit, ëmbëlsirat dhe lëngjet e frutave me sheqer kanë të njëjtin efekt.

Perimet, frutat, jogurti dhe frutat e arrave – janë dëshmuar të jenë më të efektshmet në ruajtjen e peshës optimale.