Industria e filmit evropian

Industria e filmit evropian

Më 23 mars  ka filluar edicioni i 22-të i festivalit Vilnius International Film Festival i cili shënon një ndër ngjarjet më të mëdha në Lituani.

Ky është viti i parë që në Vilnius IFF është organizuar Forumi i Filmit Evropian, ku do të ketë prezantime dhe panele diskutimi rreth temave që janë shumë të rëndësishme për industrinë e filmit evropian.

Drejtori i QKK-së, Arben Zharku ishte pjesë e panelit të diskutimit rreth temës se si munden filmat nga tregjet e vogla kinematografike të kenë ndikim sa më të madh brenda dhe jashtë vendit.

Paneli u hapë nga Ministrja e Kulturës së Lituanisë, Liana Ruokyte-Johnsson, e cila me nje adresim të veçantë të shefës së sektorit të industrisë audiovisuele të Komisionit Evropian ka shikuar mundësitë e krijimit të strategjive për të ngritur ndikimin kulturor dhe komercial të filmave në vendet e tyre dhe jashtë, rritjen e potencialit të tyre për të depërtuar jashtë kufijve dhe për t’u parë nga një audiencë më e madhe.

Përveç drejtorit të QKK-së, pjesë e këtij paneli ishin edhe Aitziber Atorrasagasti, drejtoreshë për Promovimin e Kulturës, Qeveria Baske Spanjë, Markéta Hodouskova, eksperte e industrisë, Julie-Jeanne Régnault, kryesuese e çështjeve evropiane në Centre national du cinéma et de l’image animée (CNC) dhe Edith Sepp drejtoreshë në Estonian Film Institute.

Vitin e kaluar këtë festival e kanë ndjekur gati 113 mijë njerëz./21Media