Ashtu si Amazona, pyjet afrikane thithin CO2

Ashtu si Amazona, pyjet afrikane thithin CO2

Teksa udhëheqësit botërorë janë mbledhur për të gjetur një zgjidhje për zjarret në amazonë, imazhet satelitore nga NASA kanë zbuluar pyjet po digjen edhe në të gjithë Afrikën Jugore.

Pyjet e djegura mbulojnë një sipërfaqe prej më shumë se një milion milje katrorë në pellgun e Kongos, e përshkruar shpesh si “mushkëria e dytë” e planetit pas vetë Amazonës. Ashtu si Amazona, pyjet afrikane thithin CO2.

Nën presionin e ambientalistëve, drejtuesit e G7 këtë javë kanë nxituar të ndërmarrin veprime kundër zjarrit në Amazonë, por zjarret afrikanë kanë tërhequr më pak vëmendje.

Megjithatë, Presidenti Francez Emmanuel Macron dje deklaroi se ‘pyjet po digjen edhe në Afrikën Nën-Sahariane’ dhe tha se udhëheqësit botërorë po shqyrtonin një përgjigje të ngjashme me atë që ranë dakord për Brazilin, përcjell rtv21.tv.

Pyjet afrikanë mbulojnë disa vende përfshirë Republikën Demokratike të Kongos, Gabon, Kongo, Kamerun dhe Madagaskarin.
Sipas Weather Source, zjarre më shumë pati në një periudhë 48-orëshe në Angola javën e kaluar sesa në Brazil. E njëjta gjë vlen edhe për Kongos.

“Pylli digjet në Afrikë, por jo për të njëjtat shkaqe,” tha Tosi Mpanu Mpanu, një ambasador dhe negociator për klimën për DR Kongo.

‘Në Amazon, pylli digjet kryesisht për shkak të thatësirës dhe ndryshimit të klimës, por në Afrikën qendrore, kryesisht është për shkak të teknikave bujqësore.’

Në DR Kongo, vetëm nëntë përqind e popullsisë ka qasje në energji elektrike dhe shumë njerëz përdorin dru për gatim.

Presidenti i DR Kongos, Felix Tshisekedi ka paralajmëruar që pyjet janë të kërcënuara nëse vendi nuk e përmirëson kapacitetin e tij hidro-elektrik.

Shpyllëzimi është gjithashtu një rrezik në Gabon dhe pjesë të DR Kongo.

Megjithatë, disa ekspertë dhe politikanë kanë bërë kujdes për krahasimin e situatave në Afrikë dhe Amerikën e Jugut.

Shumë nga zjarret e shfaqur në hartat e NASA-s të Afrikës janë jashtë zonave të ndjeshme të pyjeve, thonë analistët.

“Tani është pyetja se në çfarë mase mund të krahasohemi”, tha Philippe Verbelen, nga Greenpeace që punon në Basenin e Kongos.

‘Zjarri është një gjë e zakontë në Afrikë. Është pjesë e një cikli, njerëzit në sezonin e thatë i vënë zjarrin në shkurre sesa në një pyll të dendur dhe të lagësht.’

Guillaume Lescuyer, një ekspert qendror afrikan në qendrën franceze për kërkime dhe zhvillim bujqësor CIRAD, gjithashtu tha se zjarret që shiheshin në imazhet e NASA-s ishin djegur kryesisht jashtë pjesës së pyjeve.

Qeveria e Angolës gjithashtu kërkoi kujdes, duke thënë se krahasimet e shpejta me Amazonë mund të çojnë në ‘keqinformim të mendjeve më të pamatur’.

Kombet e G7 kanë premtuar 20 milion dollarë në Amazonë, kryesisht në aeroplanët zjarrfikës./21Media