Zjarri erdhi si pasojë e erërave të forta dhe kohës së thatë

Zjarri erdhi si pasojë e erërave të forta dhe kohës së thatë

Mali i Zi ka kërkuar ndihmë ndërkombëtare për të luftuar flakët në zonat afër detit Adriatik, nga të cilat janë detyruar të evakuohen shumë turistë.
Zjarri ka nisur si shkak i erërave të forta dhe motit të thatë.

“Situata në Llushticë është kritike. Ministria e punëve të Brendshme në Malin e Zi ka kërkuar të aktivizohet Mekanizimi i Mbrojtjes Civile i Bashkimit Evropian”, ka thënë qeveria përmes një deklarate.

Udhëheqësit e qyteteve bregetare të Kotorrit, Tivatit dhe Herceg Novit i kanë bërë thirrje qeverisë të kërkojë ndihmë nga shtetet fqinje, Kroacia, Bosnja dhe Serbia.

Të paktën 100 turistë janë detyruar të largohen nga një zonë bregdetare, e cila ka qenë më e prekuara nga flakët.

Si shkak i erërave të forta dhe kohës së thatë, zjarri në Llushticë, në jug të Malit të Zi është zgjeruar afër shtëpive dhe zonave të kampit.

“Ne nuk kemi kapacitete të mjaftueshme ta lokalizojmë zjarrin”, ka thënë Stevan Katiq, udhëheqës i qytetit, Herceg Novi.

Shërbimet e emergjencës kanë thënë se erërat e forta janë duke penguar zjarrëfikësit.