E ardhmja e trajnerit të Napolit, Gennaro Gattuso në stadiumin “Diego Maradona” thuhet se do të vendoset nga dy ndeshjet e ardhshme kundër Atalantas dhe Juventusit.

“Partenopei” humbën ndeshjen e tyre të shtatë në Ligë kundër Genoas fundjavën e kaluar dhe Presidenti Aurelio De Laurentiis, sipas “La Gazzetta dello Sport”, do të vlerësojë të ardhmen e menjëhershme të Gattusos të shtunën.

Gazeta pretendon se ish-trajneri i Milanit me siguri do të largohet në fund të këtoj sezoni, por zbulon që De Laurentiis ka kontaktuar bashkëpunëtorët e tij më të ngushtë për të vlerësuar situatën aktuale.

E ardhmja e menjëhershme e Gattusos do të diskutohet, pasi pronari nuk dëshiron të marrë ndonjë vendim të nxituar që do të diktohej nga inati i situatës aktuale.

Ai ka vendosur të presë, të paktën deri të shtunën, për të marrë një pamje më të qartë të situatës.

Kështu ka filluar një javë vendimtare për Gattuson, ndërsa “Partenopei” udhëtojnë në Bergamo për ndeshjen e dytë të gjysmëfinales së Kupës së Italisë kundër Atalantas, e ndjekur nga një ndeshje e Serie A kundër Juventusit të shtunën.

Po ashtu “La Gazzetta dello Sport” pretendon se Presidenti, përtej rezultateve në fushë, nuk ishte i lumtur për sulmet e drejtuara ndaj tij nga trajneri dhe nuk pajtohet me disa nga zgjedhjet teknike të bëra nga Gattuso.

Raporti pretendon se ai nuk ka qenë i lumtur për të parë Nikola Maksimovic dhe Elseid Hysaj, të cilët janë në skadim të kontratave, duke luajtur para Amir Rrahmanit, i cili kushton 13 milionë euro dhe ka luftuar për të bindur trajnerin për këtë çështje.

Gjithnjë sipas kësaj gazete, De Laurentis tashmë ka disa synime në mendje dhe është një admirues i trajnerit të Hellas Verona Ivan Juric dhe trajnerit të Spezias Vincenzo Italiano duke mos harruar edhe ish-trajnerin e Napolit Rafael Benitez.